Nûçegihanê ANF’ê Rêbaz Hesen k udi 25’ê nîsanê li Silêmaniyê dema şopandina şermezarkirina êrîşên dagirkeriyê yên dewleta tirk de, ji aliyê Asayîşa Silêmaniyê ve hatibûn binçavkirin, piştî bertekan hat berdan.
CPJ’ê û Nûnerê Afrîkaya Bakur Îgnacîo Mîgûel ku nava rojê daxuyanî dabûn, xwestibûn ku Hesen demildest were berdan û bihêlin ku nûçegihan li herêmê bi azadî karê xwe bikin.
Serokê Navenda Parastina Mafê Nûçeginan (METRO) Diyarî Mihemed jî heman tişt anîbû ziman
Nûçegîhan Rêbaz Hesen piştî berdana xwe, behsa şertên binçavkirinê kir û diyar kir ku bi dehan kes ketine greva birçîbûnê, 8 jê jin 55 kes binçavkirî ne û temenê hin kesan mezin e û ev tişt anî ziman: “Nexweşiya dil bi hin kesan re heye û rewşa wan ne baş e. Ên hatine binçavkirin gotin ku heta ew werin berdan dê greva birçîbûnê bidomînin.”
Nûçegihan Hesen da zanîn ku tu têkiliya wan bi çalakiya 25’ê Nîsaê re nebûye, dema ku ji kolanê derbas bûne hatine binçavkirin û ew jî weke yên din ketine greva birçîbûnê û her wiha kesên ku piştevanî danê malavahî li wan kir. SILÊMANÎ
