Merkezê Xeberan]
Hûmarmatoxa elektronîkî ya Ajansê Îstatîstîkan ya Misirî (Capmas) de ame dîyarkerdene ke nufusê Misirî 100 mîlyonî derbaz kerdo. No yeno mehneya giranbîyayîşê problemê welatî.
Misir hetê nufusî de Nîjerya û Etîtopya ra dima bî welatê hirêne yê girdî. Misir pêroyê dinya de zî kewt rêza 14. e. Ame vatene ke Misir de mîyanê yew serrî de 1,5 domanî maya xo ra benî. Serra 1990î de nufusê welat 57 mîlyon bî. Aye wext nufusê Fransa û yê Misirî sey yewbînan bî. 30 serran de nufusê Fransa bî 67 mîlyon û yê Misirî zî bî 100 mîlyon.
Nufuso zêde vera problemê ekonomî û komelkî zî sey welatanê Nîjerya û Etîyopyaye Misir de zî virazîyayî. Kismêk zêde yê hemwelatijan verê qeraxê Royê Nîlî de cuyenî û paytextê Misirî Qahîre de zî 20 mîlyon kesî cuyenî. Gelîrê welat 3 hezar dolar û peymeyê betalî serra 2018î de se ra 32 derbaz kerd.
