Merkezê Xeberan
Goreyê dayeyanê hukmatî ke aşma çeleyî de eşkera kerd, nufusê bîyaye yê Ukrayna 37.3 mîlyon kes o. Labelê goreyê nufusê serra 1991î ke serra xoserî bî ra 15 mîlyon kesî kêmî bîyî. Serra 1991î de nufusê Ukrayna 52 mîlyon bî.
Hukmat hewl da ke no şoqî binimno. Selahîyetdarî îdîa kerdî ke merdimê ke herêma Qirkirimî ya ke Rûsya girê daye xo û yê ke rojhelatê welatî de cuyenî tewrê hûmartişî nêkerdî.
Qirimî de 2 mîlyon kes û rojhelatê welatî de zî 3 mîlyon kesî estî. Sewbîna selahîyetdaran îdîa kerdî ke 4 mîlyon kesê ke serranê peyênan peyênan zî vejîyayîteberê welatî zî nêameyî hûmartene. Bi no hawa hewl dayî ke kêmîbîyayîşê nufusê welatî rê bahaneyêk bivînî. Tewr zêde peymeyê mayerabîyayîşî ke goreyê mergî dî qat kêmî bîyo, selahîyetdaran tersneno.
Goreyê dayeyanê nufusî welat de 20 mîlyon cinî û 17 mîlyon camêrd estî. Des ra yewê nufusî paytext Kîevî de cuyenî. Bi no hawa Kîev kewt mîyanê welatanê tewr girdan yê Ewropa.
