Sendikaya Neteweyî ya Rojnamegerên Îngîltere û Rojnameya Morning Star, binçavkirina rojnameger Ziyan Karahan şermezar kirin. Sekreterê Giştî yê Sendîkayê Michelle Stanistreet diyar kir ku li Tirkiye rojnameger di bin gefan de ne
Piştî qeyûm tayînî şaredariyên Amed, Mêrdîn û Wanê hat kirin li 29 bajaran 418 kes hatin binçavkirin. Di operasyona qirkirina siyasî de li gel siyasetmedaran rojnameger jî hatin binçavkirin. Di nav kesên ku hatin binçavkirin Rojnameger Ziyan Karahan ku edîtora serwîsa kurdî ya Ajansa Mezopotamyayê û Xebatkarê Rojnameya Yenî Yaşamê Onder Akbulut jî hebûn.
Sendikaya Neteweyî ya Rojnamegerên Îngîltere (NUJ) ku yek ji sendîkayên herî navdar ên ewropa ye û Rojnameya Morning Star, binçavkirina Rojnameger Ziyan Karahan ku edîtora serwîsa kurdî ya Ajansa Mezopotamyayê şermezar kirin. Sekreterê Giştî yê Sendîkayê Michelle Stanistreet diyar kir ku li Tirkiye rojnameger di bin gefan de ne. Sekreterê Giştî yê NUJ’ê Michelle Stanistreet diyar kir ku li Tirkiye azadiya çapemeniyê her roj tê îhlalkirin û wiha got: “Ji ber gefên darazê edî rojnameger nikarin li Tiriye bixebitin. Dewlet rojane azadiya çapemehiyê ihlal dike. Li Tirkiye rojnameger di bin gefên darazê de ne. Herî dawî Edîtora Serwîsa Kurdî ya Ajansa Mezopotamya Ziyan Karahan hat binçavkirin. Gefên li dijî rojnamegeran ên li Tirkiye nayên qebûlkirin. Tirkiye di aliyê rojnaemgerên girtî de scîla wê xerab e. Herî zêde çapemeniya kurd dibe hedef. Divê civaka navneteweyî dewleta tirk bi zimanekî hişk rexne û şermezar bike. Divê peymana Neteweyên Yekbûyî pêk bînin.”
Sweeny: Zextên ku mînaka wê tune ye
Editorê Rojnameya Morning Starê Steve Sweeny jî diyar kir ku li Tirkiye zext û tundiya li ser rojnamegeran a mînaka wê tune zêde ne û wiha got: “Li ser rojnamegerên Tirkiye zextên ku mînaka wê tune zêde ne. Rojnamegerî qet ne sûc e.” AMED
