Parlamenterê HDP’ê Omer Ocalan êrîşa tîmên tevgera taybet a li Pirsûsê ya li dijî karkerên çandiniyê bir rojeva meclisê. Ocalan ji bo ku Soylu bi bersivînê pêşnûmepirsek pêşkeşî Serokatiya Meclisê kir
Polîsên tîmên tevgera taybet a tirk di roja înê de li taxa Elîgor a navçeya Pirsûs a Rihayê dolmîşeke karkerên çadiniyê guleberan kiribû. Di êrîşê de karkerên bi navên Hava Algac, Emîne Çalişan, Gulcan Ertaş, Aysel Geçîçî, Zehra Kurt û Kubra Kurt birîndar bibûn. Di heman demê de polîsan ajokarê dolmîşê jî derb kir û nehiştin ku xebatkarên tenduristiyê mudaxaleyî birîndaran bikin.
Parlamenterê Partiya Demokratîk a Gelan (HDP) ê Rihayê Omer Ocalan mijar bir rojeve meclisê. Ocalan têkildarî mijarê bi daxwaza ku Wezîrê Karên Hundir ê Tirkiyeyê Suleyman Soylu bi bersivîne, pêşnûmepirsek da Serokatiya Meclisê.
Ocalan li gorî îfadeyên ajokar û birîndaran ev pirs ji wezîrê karên hundir Suleyman Soylu kir:
“1- Der barê bûyera weke li jor hatiye diyarkirin û ji hêla raya giştî ve tê zanîn lêpirsîn hatiye destpêkirin? Hatibe destpêkirin di kîjan astê de ye?
2- Dîmenên kêliya ku bûyer pêk hatiye hene? Di dîmenan de rewşeke ku wesayît bê gulebarankirin heye?
3- Di navbera girtekên kêliya bûyerê, girtekên nexweşxaneyê û girtekên mexdûr-gazindker de nakokî hene? Noqteyên ku eleqeya xwe bi girtekan re tunene çi ne?
4- Şahidên kêliya bûyerê hene? Heke hebin îfadeyên van şahidan çi ne?
5- Di kêliya bûyerê de wesayîtên cuda ku xesar dîtine hene? Heke hebin gelo der barê van wesayîtan de tu lêpirsîn hatine kirin û girtek hatine girtin? Heke xesarek di van wesayîtan de hebe planên we yên der barê van wesayîtan de çi ne? Çarçoveya girtekê çî ye? RIHA
