Komîsyonê Zîndanan ê Merkezê Pêroyî yê Komeleya Huqûqnasanê Seba Azadîye (OHD) derheqê grevê vêşanîye yê tepişteyanê sîyasîyan de bînaya xo ya Riha de eşkerayîyêke daye. Hemserekê OHDyî Ekîn Yeter û Serhat Çakmak û endamê komele zî tewrê eşkerayîye bîyî.
Îdarekaranê Merkezê Pêroyî yê OHDyî ra Ayşe Şehrîban Demîrel eşkerayîye wende û vist vîrî de 25ê adara 2019î ra nata Rayberê Şarê Kurdî Abdullah Ocalanî ra xeberêke nêna girewtene.
Demîrele îfade kerd ke CPTyî êlula 2022yî de Zînddanê Îmraliyî zîyaret kerdo la derheqê zîyaretê xo de rapor eşkera nêkerdo. Demîrele vat: ”Tepişteyê sîyasîyî bi grevê xo yê vêşanîye wazenê ke wa tecrîdê Îmraliyî wedarîyo û meseleya kurdan bi rayîrê demokrasî çareser biba. Tecrîdê Îmraliyî îşkence yo. Ganî cade waştişê tepişteyan bêrê caardene, tecrîdê Îmraliyî wedarîyo. Ma venga pêro dezgehanê huqûqî da ke wa çalakîya grevê vêşanîye teqîb bikerê.” RIHA
