OHDyî seba ke tepişteyê Zîndanê Bakirkoyî yê Tîpa Lyî yê nêerşawîyenî nêweşxane, muracatê Mehkemeya Qanûno Bingeyî (AYM) kerd
Tepişteyê Zîndanê Bakirkoyî yê Tîpa Lyî yê ke vera tecrîdê serê Rayberê PKKyî Abdullah Ocalanî kewtîbî grevê vêşanîye, dimayê qedênayîşê grevê vêşanîye hîna zî nêerşawîyenî nêweşxane. Nesrîn Akgule, Şukran Aydine û Zozan Çîçeke yê ke rojeyê mergî de bîyî, serê zextê rayapêroyî ameyî berdene bi nêweşxane la reyna eynî roje berdî bi hepisxane.
Avûkatanê Platformê Huqûqnasanê Azadîwaştoxan (OHD) vera nê binpankerdişê Zîndanê Bakirkoyî muracat bi Mehkemeya Qanûno Bingeyî (AYM) kerd. Muracat de ame vatene, zîndan de serûm dayo tepişteyan, rixmê 3 rojan o ke grevê vêşanîye ameyo qedênayene zî hîna tepişteyî nêameyê berdene bi nêweşxane û ame vatêne: “Grevanê vêşanîye yê demdergan de, ganî kontrolê tepişteyan hetê pisporan ra bêro kerdene.”
Dewamê eşkerayîye de ame vatene, serê cuya tepişteyan ê ke kewtîbî grevê vêşanîye tehlûkeyê mergî esto û ame vatene: “No semed ra, seba ke serê cuya tepişteyan de tehlûkeyê mergî esto, bi waştişê tedbîrî ma muracat bi Mehkemeya Berze kerd.” ANQARA
