“Bêşik ma nêeşkenê rewşa Rayberê Apoyî hole bîgêrê dest. Nêzdîbîyayîşê dewleta tirke yê vera Rayber Apoyî vera hema kurdan o. Polîtîkayê ke vera Rayber Apoyî yenê caardene dewamê sîyasetê qirkerdişî yê. Ma nêeşkenê tecrîdî teng bîgêrê dest. Nêverdenê vengê Rayber Apoyî bireso şarê kurdî û komelê Tirkîya. Wazenê pê psîkolojîya Rayber Apoyî û şarê kurdî kay bikerê. Heta ewro bi desan kesan vera Komployê vera Rayber Apoyî bedenê xo da adirî ver û şehîd bîyî. Çend rojî verî seba ke rojnameger Merdan Yanardagî vat “Îmrali de tecrîd est o” ame tepiştene. Nêwazenê wa çew derheqê Rayber Apo û Îmraliyî de qisey bikero. Gerek her ca de vera tecrîdî têkoşîn bêro xurtkerdene.
Semedê tay çîyan rêxistinkerdişo xurt hewce nêkeno. Mesela bi rumetê ma kay kenê, kam ke kurdkî deyîran vano, polîs derb keno û erzeno zîndan, panzarê tirkan domananê kurdan qetil kenê. Tecawuz kenê, bajar û mezelanê ma texrîb kenê. Vera nînan çew nêeşkeno bêveng bimano. Gerîla xora vera hêrişanê wehşîyan xover dano. Wa şarê bizano ke ma prosesêkê normalî de nîyê. Wa çew rehat nêbo. Ma prosesêkê muhîmî ra ravîyarenê. PKK û gerîla xora rolê xo anê ca. La gerek komel zî neheqîye qebul mekero.
Gerek her kes semedê rewşa Rayber Apoyî qeisawt bikero. Ne eşkeno merdimanê xo ne zî avûkatanê xo bivîno. Ma zanê ke wextêk de dewleta tirke û îdareyê Îmraliyî mektubê tehdîtî yê bêadres û bênameyî daye Rayber Apoyî. Rayber Apo tim raştê nê zextan yeno. Wazenê pê psîkolojîya ey kay bikerê, pê weşîya rûhê ci kay bikerê ke wa raştîya xo ra raqilîyo û rolê xo mîyaro ca. Dewletêka wina wehşî ya. Qirkerdişî zî nê nêzdîbîyayîşî ra şenik ê. Gerek na babete rojdemê Kurdîstan û Tirkîya de bimano.
Vera tecrîdî gerek her kes nêrazîbîyayîşê xo ramojno. Eke ma her hetî têkoşînî gird bikerê, dewlete mecbûr mananê ka şiro verê liganê Rayber Apoyî. Ma deyndarê Rayber Apoyî yê. Têkoşînê ma dewam keno. Gerek ma rojanê verê xo de vera zextê Îmraliyî hamleyanê muhîman aver berê. No wina nêşino, gerek meiro. Gerek vera nê tewir bêro girewtene. Kam ke hetê demokrasî û azadîye de yo, çar leteyanê Kurdîstanî de gerek her kes tewrê nê prosesî bibo.”
Okî bi wesîleya serrgêra 14ê Temmuze Rojeyê Mergî şexsê kadroyê serkêşî yê PKKyî Kemal Pir, Mehmet Hayrî Durmuş, Akif Yilmaz û Ali Çiçek yad kerdî û vat PKK 50 serrî yo xeta 14ê Temmuze de bêmabên têkoşîn keno. No têkoşîno tarîxî şexsê Rayber Apoyî de dewam keno.
Sabrî Okî vist vîrî ke 19ê Temmuza 2012yî de rixmê heme zextan û zorbarîyan Rojawna de serkêşîya cinîyan de şoriş ame kerdene û vat a roje ra dewleta tirke hêrişê Rojawanî kena. Okî bale ante ser ke her roje Efrîn de ke binê îşxalê dewlta tirke yo,tacîz, tecawuz, talan û qirkerdişî benê û vat rixmê nê tay kesan bi nameyê kurd û Kurdîstanî ûca dezgeh akerd ke îşxal û îşxalkeran bikero meşrû. BEHDÎNAN
