Operasyono ke qezaya Licê ya Amedî de bi piştîya hewayî dîyabî destpêkerdene peynî bî û 5 hemwelatijî ameyî tepiştene
Vizêr çolterê mezrayanê Karagoz, Goma Salo û Dablo yê pabesteyê dewa Karahasanî ya girêdayeyê qezaya Licê ya Amedî de saetanê serê sibayî de bi piştîya helîtopteran operasyon dîyabî destpêkerdene. Helîkopterê Skorskyî leşkeran ranabî herême û operasyon destpêkerdbî. Ame dîyarkerdene ke çolterê operasyonî de tewr tay 5 kesî ameyî tepiştene.
Nameyê 5 kesê ke bi îdîayê ‘Hetkarî dayî rêxistine’ ameyî tepiştene wina yo: “Ahmet Erdak, Halîl Erdak, Mehmet Ekîncî, Suleyman Evran û Hakan Akdogan.” Leşkeran 5 kesê ke tepiştî berdî Qereqolê Cendirmeyan yê Licê. Ame vatene ke traktorê Ahmet Erdakî zî berdî qereqol.
Heto bîn de Ferît Ayteko ke bi îdîayê îfadeyê ci esto, roja Îne vengdîya Qereqolê Cendirmeyan yê Licê û hema zî binê çiman de yo. AMED
