Osman Şîban û Servet Turgutî 11ê êlula 2020î de çolterê mabenê qezaya Şaxê ya Wanî û qezaya Elkê ya Şirnexî de hetê leşkeranê ke vejîyabî operasyonî ra ameybî destbendkerdene. Şîban û Turgutî dimayê îşkenceyî helîkopterî ra erzîyabî war. Servet Turgut serebûtî ra dima dinyaya xo bedilnaye.
Polîsan ewro saetanê serê sibayî de eşt keyeyê Osman Şîbanî ser û Şîban destbend kerd. Şîbano ke îşkence ra dima keye de tedawî vîneno wedarîya Nêweşxaneyê Dewlete yê Torosî. Dima ra semedo ke weşîya Şibanî ca de nîya serbest ame veradayene.
Timî terseno
Birayê Şibanî, Haşim Şiban dîyar kerd ke kekoyê ci vîrê xo vindî kerdo û wina va: “Kekoyê mi travma cuyeno. Wexto ke zext yan zî sereştişê keye virazîyenê hîna zêde travmayanê neweyan cuyeno. Nika zaf terseno. Psîkolojîyê ci xira bîyo. Timî terseno û wexto ke rakeweno bi xof wirzeno û ronişeno.” MERSÎN
