Parlementerê Partîya Demokatîke ya Şaran (HDP) yê Amedî Hîşyar Ozsoyo ke herêmanê erdlerzî de gêra û rewşe ercnaye, vat goreyê vatişanê mexdûranê erdlerzî û çîyê ke ma înan rê şahîdîye kerde, dewleta tirke qet tedbîrêk nêgirewto.
Ozsoy vat: “Xora sîyasetê afeta erdlerzî nêbeno la gama ke hendê awanîyê rîskin ameyî viraştene şima ça de bê? Qet kontrolê awanîyan nêame kerdene? Qet tedbîr nêame girewtene? Înşaatê mutehîtan qey kontrol nêbenê? Reyna qey badê afete şarî rê hetkarî nêbena? Mexûrê erdlerzî vanê xebatê xelisnayîş û hetkarî zaf tay benê. Hema binê xirban de merdimî est ê. Pê termalan merdiman mirnenê la pê eynî termelan senî beno ke merdiman nêxelisnenê.” MEREŞ
