PAJK: “Heval Zulkufî nê rojanê Newroze de sey Mazlûman çalakîya tarîxîye viraşte û bi çalakîya xo bêvengîye şikite. Çalakîya Embaz Zulkufî roşnîya meşaleya mucadeleyî ya.”
Koordînasyonê PAJKî derheqê çalakîya Zulkuf Gezenî ya Hepisxaneyê Tekîrdagî de beyanat da.
Beyanatê PAJKî de wina ame vatene:
“ Heval Zulkufî nê rojanê Newroze de sey Mazlûman çalakîya tarîxîye viraşte û bi çalakîya xo bêvengîye şikite. Çalakîya Heval Zulkufî roşnîya meşaleya mucadeleyî ya. Senî ke adiro ke Kawayî koyan de fîsto ta peynîya Dehaqî arda, adiro ke Zulkuf Gezenî zindan de fîsto ta zî do perdeya bêvengîye bidirno û peynîya zalim Erdoganî bîyaro. Heval Zulkufî çalakîya xo, roja serrgêra qetlîamê Helebce de viraşte. Na roje rojêka tesadufîye nîya û bi zanayene ameya weçînitene. Heval Zulkufî bi na çalakîye vera qetlkaranê Kurdan yew cewab dayo. No vengê azadîye yo û vengê xoverdayoxanê tarîxîyan o. Rûhê Kurdan o azad do qetîya vîndî nêbo û Kurdî do bi ruhê xoverdayîşê Mazlûman, Ronahî-Berîvanan, Zekîyeyan, Rahşanan, Semayan û tewr peynî zî bi ruhê xoverdayîşê Zulkufî heta helmê xo yê peyênî seba cuya azade xo ver bidê.
Heta ke tecrîdê serê Rayber Apoyî bêro şikitene û îqtîdarê AKP-MHPyî yo faşîst bêro rijnayene do mucadele dewam bikero. Qet yew xoverdayîş hende heqdar, hende ca de û hende meşrû nêbîyo. Vera zulmê pîlî de xoverdayîşêko bêemsal yeno dayene. Ganî ma paştdarîye bidê nê xoverdayîşî û hîna bikê pêt.Heval Zulkufî Newroze ra ver beyraqa xoverdayîşî ya destê Mazlûmî dewr girewte û nameyê xo tarîxê xoverdayîşî de da nuştene. Ma ey bi hurmet yad kenê û soz danê ey ke ma do mucadeleyê ey hîna bikê pêt û rayîrê ey xo rê sey serkêş bigîrê.Ma vanê sereyê keyeyê Heval Zulkufî û ê pêro şarê Kurdî weş bo. Şarê Amedî û pêro şarê ma ganî warizo payan ser û mucadele bikero.” BEHDÎNAN
