Koordînasyonê PAJKî Fermandare Axîne û embazê ci yê ke 17ê êlule de Licêya Amedî de şehîd bîyê, bi eşkerayîyêke yad kerdî.
Eşkerayîye wina ya:
”Ma fermandara ma ya ercîyaye û îdarekara partîya ma Axîne Mûş û gerîlayan Agit Berxwedan, Rohat Pasur û Demhat Setkarî bi rêzî yad kenê.
Embaza ma Axîne sîstemê kapîtalîzmî red kerd û Ewropa ra verê xo da koyanê Kurdîstanî. Aye kerd ke xeyalanê şarê kurdî, Kurdîstanî û pêro şorişgêran bîyara ca. Embaze Axîne serê koyanê Kurdîstanî ra ruh û hesreta azadîye ya cinîyan neqişnaye. Aye bi qerardarî vera îşxalkeran, sîstemê serdestîya camêrdan, xeta Rayber Apoyî ya fedayîye de têkoşîn kerd. Embaze Axîne perwerîya xo ya bi şar, embazan û hemrayanê xo kerde serê rayraşîyayîşê xo.
Embaza ma Axîna ke Endama Meclîsê PAJKî bîye milîtan û serkêşêka ma ya ercîyaye bîye ke raştîya Rayberîye de xo aver berda. Embaza ma Axîne bi nê hawayî pêro cinîyan û hemrayanê xo rê bîye çimeyê îlhamî. Embaza ma Axîne waranê gerîlayan de zî erkê xo bi serkewtî kerdî. Aye bi xo bi seyan fedayîyê azadîye perwerde kerdî. Aye bi tewirê xo yê mutewazî, radîkal û hişmendîya xo şorişê cinîyan de rolê xo ardî ca.
Aye serkêşîya xeta azadîya cinîyan zî sey kadroyêka partîye bê qusirî arde ca. Embaze Axîne sembola cinîya azade ya. Têkoşînê ma yê cinîyan eserê kedanê embazanê sey Axîne yo. Ma do xeta na raştîye de rêçê şehîdanê xo de şorişê cinîyan bîyarê ca. Rayîrê ney zî çinkerdişê faşîzmî, qedînayîşê îşxalî û caardişê azadîye yo.”
