Koordînasyonê PAJKî gerîlayê ke beşdarê Operasyonê Şorişgêrî bîyê, bi eşkerayîyêke fîraz kerdî. Eşkerayîye wina ya:
”Operasyono şorişgêr o ke derbêka girane daya artêşa tirke ya îşxalkere ro, ma pêro milîtananê HPG û YJA-starî yê nê operasyonî û Qerargehê Merkezîyî fîraz kenê. Ma pêro embazanê xo rê serkewtiş wazenê. Ma şehîdanê nê operasyonî embazanê ma Andok, Ciwan û Botanî bi rêz û minetî yad kenê.
Gerîlayanê HPG û YJA-Starî bi çalakîyêka hende pîle û têkoşînêkê xurtî dest pê serra 46. ya PKKyî kerd û ê bi xurtî tewrê Hemleya Azadîya Rayberîye bîyî. Dewleta tirke ya îşxalkere Herêmanê Pawitişî yê Medya de her roje derbanê giranan wena. Şerê ma yê azadîye do na xeta fedayîtîye de bireso serkewtişî. Her çalakîye do derbe bida îşxalan, ajanîye, koletî û serdestîye.
Milîtanê YJA-Starî sey serkêşanê nê xoverdayîşî bi rengê Bêrîtane şer kenê, qerardarîya ma ya ‘Jin, Jiyan, Azadî’ pîl kenê. Fedakarîya pîle, qerardarîya embazanê ma yê cinîyan hêzêkê pîlî dana pêro cinîyan.
Dewleta tirke seba binkewtişê xo û kişteyanê xo binimna xîret kena la do nêeşka serkewtişê gerîlayan mîyan bikera. Dewleta îşxalkere mehkuma binkewtişî ya. Gerîlayan no îsbat kerd. Bi na bawerî ma ancî pêro embazanê xo yê Zap, Metîna û pêro waran selam kenê û serrgêra partîye fîraz kenê. Ma pêro embazan rê serkewtiş wazenê.” BEHDÎNAN
