Paytextê Îtalya Roma de bi wesîleya serrgêra Komployê 9ê Teşrîna Verêne çalakîya Wextê Hêvîye ameye kerdene. Çalakîye de kitabê Rayberê Şarê Kurdî Abdullah Ocalanî ‘Sosyolojîya Azadîye’ ameye nîqaşkerdene.
Çalakîye de hêverî hunermend Mubin Dunen vejîya sehne ser û deyîrî vatî.
Endamê Delegasyonê Mîyanneteweyî yê Abdullah Ocalanî rê Azadîye Giovanni Russo Spenayî roniştişê verênî yê çalakîye de qisey kerd. Spenayî ard ziwan ke tecrîdê Îmraliyî vurîyayo îşkenceyî û ganî teyna şarê kurdî ney pêro şarê dinya seba şiknayîşê tecrîdî têbigêrê.
Serekê Partîya Keskan û wekîlê verênî Paolo Centoyî zî vat: ”Ganî ma sey ewropayîjanê ke mesuldarê tepişîyayîşê Abdullah Ocalanî yê, seba azadîya ci têkoşîn bikerê.”
Nuştoxe Michela Arricale vat: ”Abdullah Ocalan raştê kerdişanê xiraban yeno û heqanê xo yê bingeyînan ra bêpar yeno verdayene.”
Şaredarê Herêma 8. yê Roma Amedeo Ciaccheriyî vat: ”Abdullah Ocalan paradîgmaya çareserîya meseleyan pêşkêşê ma kerde. Ma ganî sey ewropayîjan paştî nêdê dewleta tirke.”
Roniştişê diyînî de Edîtor Roberto Mapelliyî û karîkaturîst Zerocalcarî vat: ”Têkoşînê kurdan ganî çin nêhesibîyo ke vera DAÎŞî ser kewto.”
Nuştoxe Rojbîne Bêrîtan vat: ”Cinîyan ê kurdan ma xelisnayî.”
Akademîsyene Laura Corradi vat: ”Konfederalîzmo Demokratîk o ke girîng o, Mexmûr de yeno caardene.”
Endama Komîteya Jineolojî Zeryane vat: ”Şingal nika binê komntrolê têgêrayîşê azadîye de yê. Bi ameyîşê gerîlayan êzidîyî qirkerdişêkê pîlî ra xelisîyayê.” ROMA
