HDPyijê ke hesabê xo yê medyaya komelkî ser de parekerdişanê hemverê şerî kenî, sereştişê keyeyan de yenî tepiştene
Polîsan ewro saetanê serê sibayî de çarçeweya tehqîqato ke hetê Serdozgerîya Komarî ya Îskenderûnî ra yeno rayîrberdene de eşt keyeyê endama Partîya Demokratîke ya Şaran (HDP) Fatma Gureşe ser. Badê cigêrayîşê keye Gureşe bi mehneya parekerdişanê xo yê medyaya komelkî hetê polîsan ra ameye tepiştene. Ame zanayene ke polîsan Gureşe badê tepiştişî berdî Mudirîya Polîsan ya Îskenderûnî. HATAY
