Îro carek destûr hat dayîn ku parêzer Rêzan Sarica û Nevroz Ûysal biçe Îmraliyê bi miwekîlê xwe Rêberê Gelê Kurd Abdullah Ocalan re hevdîtinê bikin
Ji 27’ê Tîrmeha 2011’an û vir ve destûr nedihat dayîn ku Rêberê Gelê Kurd Abdullah Ocalan bi parêzerên xwe re hevdîtinê bike. Bi taybetî ji 2015’an û vir ve jî li ser Ocalan tecrîdeke girankîrî tê meşendin. Li dijî tecrîda li ser Ocalan bi pêşengiya Hevseroka KCD’ê Leyla Guven çalakiya gireva birçîbûnê ya bêdem û bêdorveger hat despêkirin û 196 roj e didome. Çalakiyên greva birîçîbûnê yên bêdem û bêdorveger li gelek deveran didome û li girtîgehan jî bi hezaran girtî di vê berxwedanê de ne. Ji 30’î nîsanê ve ye jî bi giştî 30 girtî di rojiya mirinê de ne.
Berxwedana ku bi pêşengiya Leyla Guven dest pêkir û li hemû zindanan belav bû hat asta şikandina tecrîdê. Dewlet û Hikumet li pêşberî vê berxwedanê tengavbû û di 2’yê gulanê de destûr dabû ku Ocalan û parêzerên xwe Rêzan Sarica û Nevroz Ûysal hev bibîne. Lê ligel serlêdanên parêzaran jî ji 2’yê gulanê ve heta niha hevdîtina Ocalan û parêzaran pêk nehatibû. Îro carek destûr hat dayîn ku parêzer Rêzan Sarica û Nevroz Ûysal biçe Îmraliyê bi miwekîlê xwe Rêberê Gelê Kurd Abdullah Ocalan re hevdîtinê bikin. Li gorî nûçeya ANF niha parêzerên Ocalan di rê de ne û diçin Îmraliyê.
