Navenda Nûçeyan |
Malbat, parêzer û wasîsên Rêberê Gelê Kurd Abdullah Ocalan ji bo hevdîtinê serlêdan kirin.
Parêzer Faîk Ozgur Erol, Rêzan Sarica, Cengîz Yureklî û Serbay Koklu piştî îdîayên li ser medyaya dijîtal ya têkilî tendûristî û ewlehiya jiyana Ocalan daxwaze ‘hevdîtina lezgîn’ kirin.
Parêzeran ji bo girtiyên din ên li Îmraliyê Omer Hayrî Konar, Veysî Aktaş û Hamilî Yildirim jî heman daxwaz kirin.
Her wiha Mehmet Ocalan, birayê Rêberê Gelê Kurd Abdullah Ocalan, wasîsê wî Mazlûm Dînç û malbatên Omer Hayrî Konar, Veysî Aktaş û Hamilî Yildirim jî heman daxwaz kirin.
Di serlêdanê de hate xwestin ku daxwaza hevdîtinê bi lezgînî were bicihanîn.
Di daxwazanameyê de hate bibîrxistin ku hevdîtina dawî ya bi Ocalan re herî dawî 27’ê Nîsana 2020’an hatiye kirin û wiha hat gotin: “Hemû serlêdanên me bi hincetên derhiqûqî yan hatin redkirin an jî nehiştine ku em encamekê bigirin.”
