Parêzerên Rêberê Gelê Kurd Abdullah Ocalan ji bo biçin Îmraliyê û bi muwekilê xwe Ocalan re hevdîtin bikin serî li Serdozgeriya Komarê ya Bûrsayê dan
Ji rarêzerên Rêberê Gelê Kurd Abdullah Oclalan, Newroz Uysal, Mazlum Dînç, Faîk Ozgur Erol û Cengîz Yureklî, bi armanca biçin Îmraliyê û bi Ocalan re hevdîtin bikin, serî li Serdozgeriya Komarê ya Bûrsayê dan.
Parêzerên Rêberê Gelê Kurd Abdullah Ocalan piştî di 27’ê Tîrmeha 2011’an de hevdîtin kirin, 810 caran bi hinceta “muxalefeta hewayê heye”, “Koster xerabe ye”, “Koster li tarîmê ye” “OHAL” “Astengiyên der barê girtî yên zagona hêjmar 5275’an de” serlêdanên parêzeran dihatin redkirin.
Di encama berxwedana greva birçîbûnê ya bi pêşengiya Hevseroka KCD’ê Leyla Guven pêş ket parêzer Nevroz Uysal û Rezan Sarica, pişti 8 salan yekem car di 2’ê gulanê de bi Ocalan re hevdîtin kirin. Parêzeran herî dawî di 22’yê gulanê de carek din hevdîtin bi Ocalan re kirin.
Dadgeha Cezayên Giran a Bûrsayê di 17’ê Nîsanê de biryara qedexeya li ser parêzeran rakir. Wezîrê Dadê Abdulhamît Gul jî di 16’ê gulanê de daxuyanî dabû û gotibû “Biryara astengkirinê li ser parêzerên Ocalan hatiye rakirin.” STENBOL
