Her çendî ku daxwaznameyek li ser dorpêça li ser kampa penaberan a Şehîd Rûstem Cûdî ya Mexmûrê pêşkêşî parlamentoyê hate kirin jî, lê Endama Komisyona Mafê Mirovan a parlamantoya Herêma Federal a Kurdistanê ya Koma Goran Gulistan Seîd got ku parlamento têkildarî dorpêçê bêhelwest e
Di hefteya borî de nûnerên Wargeha Penaberan a Şehîd Rûstem Cûdî li ser dorpêça ku ev 19 roj in li ser kampê berdewame, daxwaznameyek pêşkêşî parlamentoya Herêma Federal a Kurdistanê kiribûn.
Endama Komisyona Mafê Mirovan a parlamantoya Herêma Federal a Kurdistan a Koma Goran Gulistan Seîd li ser mijara dorpêça li ser Mexmûr û helwesta parlamentoya Herêma Kurdistan li beramberî vê dorpêçê ji Rojnews’ê re axivî.
Gulistan Seîd diyar kir ku endamên komîsyona wan bi gotinî piştgiriya xwe ji bo peydakirina pêdawîstiyên tendirûstî û mirovî ji bo kampê anîne ziman, lê di warê piratîkî de tu hewildanek wana nine.
Gulistan Seîd di dewama axaftina xwe de destnîşankir ku haya wan ji rewşa niştecihên kampê heye û wiha domand: “Wek koma Goran em niha dinava giftûgoyan de ne ji bo serdana kampê bikin û ji nêzîk ve li rewşa runiştvanên kampê bipirsin.”
Li ser helwesta koma Goran ya li dijî dorpêçê jî Gulistan Seîd got, “Ji bo em zextan bikin daku dorpêç rabe, emê piştî serdana kampê raporek amadebikin û pêşkêşî serokatiya parlamentoyê bikin. Piştî wê erkê lêpirsîna li ser mijarê dikeve ser milê serokatiya parlamentoyê.” SILÊMANÎ
