Tesbîtê serê bêusûlîyan sindoqanê weçînayîşan de dewam kenê Rêxistina Partîya Çep a Keske ya Stenbolî tesbît kerd ke lîsteyê bi îmzayanê hîtan û doneyê Heyetê Weçînayîşî yê Berzî (YSK) nêgênê pê.
Rêxistina Partîya Çep a Keske ya Stenbolî vera netîceyanê 236 sindoqanê raydayîşî yê 27 qezayan îtîraz kerd. Ame îsbatkerdene ke tewr tay 3 hezar û 570 rayê Partîya Çep a Keske nêameyê qeydkerdene.
Partîya Çep a Keske da zanayene ke rayê înan AKP û MHPyî rê ameyê qeydkerdene. STENBOL
