Partîyanê Kurdan vat seba ke rayîrê sîyasetê Kurdan o legal bigêrê, yew kampanyaya tarîye ameye viraştene û ard ziwan ke cayê çareserkerdişê meseleyan meclîs o
Amed de Partîyanê Sîyasîyan ê Kurdan Têgêrayîşê Azadîye, Partîya Merdim û Azadîye (PÎA), Partîya Komunîstan ê Kurdistanî (KKP), Platformê Demokratan yê Kurdan û Partîya Azadîye derheqê qeyûman û keyeyanê ke verê Partîya Demokratîke ya Şaran (HDP) de ronişenê de îzehet da.
Îdarekarê partîyan tewrê îzehetî bîyî ke bînaya Hareketê Azadî de ame dayene. Kurdkîya îzehetî hetê Hetkarê Sekreterî yo Pêroyî yê Têgêayîşê Azadîye Metîn Pîranî ra û Tirkîya îzehetî zî hetê Hetkarê Serekî yê PÎAyî ra ame wendene.
Metîn Pîranî ard ziwan ke hukmatî hema zî derheqê qeyumanê ke Amed, Mêrdîn û Wanî de ameyî wezîfedarkerdene de îzehetêk nêdayo û va: “Kifşo bi hetkarîya na kampanya dewlete wazena pê dadîyanê ke domananê înan şî koyan û serebûto ke Pasûr de qewimîyayo hêrsê verba qeyûman vîn biko û vernîya sîyasetî yo legal bigêra. Dayîkê Şemeyî 26 serrî ra nata kenî ke domananê xo bivînê û ganî dewlete, wezaretî û rêxistinanê sivîlî bi tewirêkê zelale pêro dayîkan têduşt bivînê û seba çareserîyan bifikîrê. Êyê ke wazenê merdimanê xo yê vînîbîyeyan bivînî ganî şorê TBMM. Çaresarîya na mesele û meseleyanê bînan zî TBMM de ya. Bêrê ma meseleya pêro dayîkan uca çare bibê. Seke meseleyan ra bibe çare, erşawitişê mexduran yê cayanê xelatan xeletîyo bêtelafî yo ke dewlete rê nêşino.” AMED
