Navenda Nûçeyan |
Partiyên Yekitiya Nîştimanî ya Kurd derbarê êrîşa nijadperestî ya li Sakaryayê ya li dijî karkerên kurd pêk hat daxuyaniyeke nivîskî weşand û êrîş şermezar kir.
Di daxuyaniya Partiyên Yekitiya Nîştimanî ya Kurd ev tişt hat gotin: “Dewleta yirk a faşîst di nava gel û pêkhateyan de dijminahiyê diafirîne. Ji ber ji nakokî û şeran hez dike û naxwaze kes bi ewle bijî. Gelê yirk li dijî gelê kurd radike û şovenîstiyê di nav yirkan de diçîne da ku bibe alavek di destê wê de ku ji bo siyasetên xwe yên dijminahî bixebitîne. Ji bilî wê li Kurdistanê siyaseta koçberkirinê pêk tîne.
Di encama wan siyasetan de, em rojane êrîşên li ser kurdên li rojavayê Tirkiyeyê dibînin, her wiha rojane êrîş li dijî penaberên Sûriyeyê yên li Tirkiyeyê pêk tên.
Duh li Sakaryayê li dijî karkerên kurd êrîşek pêk hat. Her wiha li Efrîn, Serêkanî û Girê Spiyê rojane êrîşên mîna van pêk tên. Lê çapemeniya Tirkiyeyê ya ku hewl dide fîtneyê di navbera pêkhateyên Bakur û Rojhilatê Sûriyeyê de biçîne, çi kurd, ereb an jî di navbera qebîle û eşîrên wreb de, dinixumîne.
Em Partiyên Yekitiya Nîştimanî ya Kurd êrîşa bêserûber a li dijî karkerên Kurd û siyasetên qirêj ên çandina şovenîstiya di nava gelên li Tirkiyeyê şermezar dikin. Bang li gel û tevahî hêzên siyasî dikin ku li hember van kiryar û sûcan hişyar bin û gel hişyar bikin. Her wiha em bawer in ku ev kaxiza qirêj a dawiyê ye, wê serkeftina para gel û hêzên demokratîk be.”
