Malbata sîxur a Barzanî û çeteyên dane pêşiya dagirkerê Kurdistanê û êrîşî ser gerîlayên azadiyê û kurd dikin. Bertekên li dijî xiyaneta mabata sîxur û çeteyên wê li her derê zêde dibe. Bi taybetî jî di nav siyasetmedaran de bertekên tund hene. Siyasetmedar û rojnameger têkildarî xiyaneta malbata Barzanî ya bi dewleta tirk a dagirker axivîn û bertek nîşanî dagirkeriyê dan.
Rojnamegerê misrî Elhamî El-Milêcî diyar kir ku malbata Barzanî ji bo berjewendiyên xwe yên şexsî, rûmeta gelê kurd difiroşe û got: “Ji bo piştgiriya rejîma Tirkiyeyê bikin, mafên kurdan tune dihesibîne û azadî û rûmeta gelê kurd binpê dike û difiroşe.”
Lêkolînerê Siyasî yê Navenda Kurdî ya Lêkolînên Siyasî Tariq Hemo jî ragihand ku dewleta tirk armanc dike ku bi tasfiyekirina PKK’ê re hemû başûrê Kurdistanê jî dagir bike û PDK jî kiriye amûreke kiryarên xwe yên qirêj. Hemo ev tişt got: “PDK gora xwe bi destê xwe dikole. Ji ber ku Erdogan PDK’ê weke xulaman dibîne, ne weke hevkar. Malbata Barzanî tenê bûye amûreke ku ji aliyê dewleta tirk a dagirker ve tê bikaranîn, ev malbat bi vî awayî gora xwe bi destê xwe dikole. Ji ber ku planên Erdogan û netewperestên tirk ew e ku hemû hêzên kurd ên li welêt, PDK jî di nav de, tune bikin.”
