PDK herêma Amedîye de semedê artêşa tirke ya îşxalker baregeho leşkeri virazeno. Dîmenê nê baregehî resayî ANFyî.
Warê Komandoyo ke Qilê Amedîye de yo û gerîlayî nika tede aktîf şer kenê de baregeh yeno viraştene. Dîmenan de yeno vînayene ke binê virisnîyê beyraqa Herêma Başûrê Kurdîstanî de baregeho leşkerî yeno viraştene. Rojnameger Kurtay Serhato ke dîmeno anceno, vano: ‘’Artêşa tirke şewa 4ê temmuze tîya leşkeri ca kerdî û roja bîne gerîlayan tîya çalakîye kerde û leşkerêk ame kiştene. Roja bîne beyraqe ameye daliqnayene û viraştişê baregehî dest pêkerd. PDK bi aşman o nuqtayê ke dewleta tirke îşxal kerdî de baregehanê leşkerîyan virazeno û paştî dano îşxalkeran.’’
Endamê Komîteya Rayberdişî ya PKKyî Murat Karayilanî ke 22ê êlule de ANFyî rê qisey kerd, vat paştdayîşê PDKyî yê artêşa tirke semedê Başûrê Kurdîstanî rayîrê çareserî geno. BEHDÎNAN
