Hêzên PDK’ê şevê din du welatiyên xelkê gundê Sîte ya ser bi Şêladizê gulebaran kirin. Di encama gulebaranê de welatiyê bi navê Wezîr Tayîb Rêkanî jiyana xwe ji dest da û hat gotin ku agahî ji kesek jî nayê girtin.
Li gorî agahiyên ji xelkê herêmê, Wezîr Tayîb bi xwe jî pêşmerge ye û ji bo heywanên xwe çûbû Geliyê Balinde. Çavkanî diyar kir ku desthilata PDK’ê ya li herêmê rê nade malbat ji bo Wezîr Tayîb konê sersaxiyê vede.
Muxtarê gundê Sîteyê li ser fermana PDK’ê, bi peyameke nivîskî ragihand, dê konê sersaxiyê ji bo Wezîr Tayîb Rêkanî neyê vedan. Lê di daxuyaniyê sedema nedanîna konê sersaxiyê nehatiye gotin.
Ciwanên Şêladizê jî li ser hesabên xwe yên fecabookê şermezarkiribûn û ragihandibû, dê bersiva êrîşan bidin.
