Dewleta tirke kanûna 2017î de vera Başûrê Kurdîstanî hêrişî dabi destpêkerdene. Nê hêrişî nika Heftanîn de dewam kenê. PDKyî verê îşxalê dewleta tirke akerd û seba meşrûkerdişê hêrişan nika zî hêzanê xo erşaweno tay xetan ser. Metîna zî nê xetan ra yew a.
Goreyê zanayîşanê ke çimeyanê herêmîyan ra girewtê, hêzê leşkerî yê Gulane yê Mesrûr Barzanîyî 14ê teşrîna verêne ra nata dewa Spîlka ya warê Barzanî de ca benê. Pirdê dewa Xelan û herêmanê bînan ameyî girewtene. 23ê teşrîna verêne de zî sewqîyatê hêzan ver ni qezaya Dînartê dîya destpêkerdene.
Wesayîtanê leşkerîyan ê bêplakayan ê sivîlan sewqê Melkê, Dosteka, Gîsê, Dînartê, Mezrînganê, Navxoş, Difrî, Mamişmiş û dewanê Asûran benê. Hêzê komandoyî yê Zerevanî yê Rawan Îdrîs Barzanîyî zî ameyî Dînarte. Nê hêzî bi çekanê giranan têgêrenê.
Seba ke pêşmergeyî nêwazenê şorê herêmanê gerîlayan ‘hêzê taybetî’ verê înan de erşawîyenê nê herêman.
Deşta Dînartê û Nehlê pabesteyê Dihokî yê ke nê cayî aîdê gerîlayan ê. PDK bi nê hemleyan wazeno ke gerîlayan teng bikero, mabênê Metîna û Garê de pêro têkilîyan bibirno û Tirkîya rê amadekarîya hêrişan bikero. Tirkîya wazena Heftanînî ra ver bi Metîna hêrişanê xo bizêdînê. BEHDÎNAN
