Piştî Zînî Wertê PDK vê carê li herêma Garê li pey provaksyoneke nû ye. Li gorî nûçeya Ajansa Rojnewsê agahiyên ku ji çavkaniyên herêmî hatiye girtin PDK ji duh ve hêzeke bi navê Gulan ku girêdayî Mesrûr Barzanî ye sewqê bajaroka Dînartê û deşta Nehlê ya girêdayî navçeya Akrê ya Dihokê ye, dike. Her wiha hate îdîakirin PDK’ê pêşmergeyên Roj jî li gel hêza taybet a Gulan birine herêmê.
Çavkanî diyar kirin hêza Gulan yekser girêdayî Mesrûr Barzanî ye û ji ber pêşmerge nexwestine derbasê herêmên dibin kontrola gerîla de bibin, Barzanî hêzeke leşkerî ya taybet şandiye herêmê.
Li gorî çavkaniyên herêmî gelek wesayîtên leşkerî yên bê plaka, çekên giran, wesayîtên taybet ên sivîl derbasê herêmê bûne û li gundên Melkê, Dosteka, Gîsê, girê Dînartê, girê Mezrînganê, girê Navxoş, girê Difrî, Mamişmiş, gundên Asûriyan yên dikeve herêma eşîreta Zêbariyan dest bi çêkirina çeper û kozikan kirine.
Bajaroka Dînartê û deşta Nehlê weke îdarî ser bi navçeya Akrê ya girêdayî parêzgeha Dihokê ye. Lê weke herêm dikeve nêzî çiyayê Garê ku weke herêma gerîla jî tê nasîn. AKRÊ
