Li başûrê Kurdistanê PDK hêzê dişîne neqeba Berbizina û serê Sîdekanê. Ev hewldana PDK’ê piştî êrîşên dagirkeriyê yên dewleta tirk li herêmê pêk hat
Dewleta tirk a dagirker ku sala borî li dijî herêma Bradostê êrîşên dagirkeriyê dabû destpêkirin, roja 28’ê gulanê bi veguhestina leşkeran a li Girê Şehîd Dervîş û Çiyayê Şekîfê berfirehtir kir.
Artêşa tirk di çarçoveya êrîşên dagirkeriyê yên li herêma Xakûrkê, Girê Şehîd Dervîş û Çiyayê Şekîf bi balafirên şer û helîkopterên kobra bombeyan li herêmê dibarîne.
PDK ku heta niha bi awayekî êrîşên dagirkeriyê yên dewleta tirk qebûl kiriye û derbarê vê dagirkeriyê agahî derdikevin holê.
Hêzên PDK’ê roja înê li herêmê dest bi tevgerê kir û ev guman hê bêhtir bihêztir bûn.
Bi şev konvoya ku ji 15 wesayîtan pêk tê ya girêdayî PDK’ê hêzên pêşmerge şand Sîdekanê.
Ligel hêzên pêşmerge, wesayîtên kepçe, makîneyên kar grayder û konteynirên ku bi armanca li wir bimînin, di konvoyê de cih girtin.
Li gorî agahiyên çavkaniyên xwecihî, hêzên pêşmerge yên ber bi Sîdekanê ve çûn, hedefa wan ew e ku serê Sîdekan û neqeba Berbizina bigirin. Ev herêm weke herêmên gerîla tê zanîn. SÎDEKAN
