Planên dagirkeriyê yên dewleta tirk û hevkariya PDK’ê ya bi dagirkeran re roj bi roj zêdetir dibe. Rojên dawî çeteyên DAIŞ’ê ku dewleta tirk piştevanê wê yê sereke ye, êrîşên giran dibin ser Kerkûkê. Di encama van êrîşan de heta niha gelek pêşmerge û sivîlan jiyana xwe dest dan.
Li gorî nûçeya Ajansa ANF’ê di şeva 5’ê kanûnê de PDK sewqiyata leşkerî dişine Qadên Parastinê yên Medyayê û dîmena sewqiyatê ji aliyê çavkaniyeke taybet a herêmê hatiye bidestxistin. Ev sewqiyat ji bo herêma Şêladizê tê kirin ku baregeha Sîrê ya artêşa tirk a dagirker lê ye.
Çavkaniyê diyar kir ku bi hejmareke zêde ya wesayîtên zirxî û çekên giran, çekdarên PDK’ê hatine veguhastin.
Di dîmenan de hinek kesên ji xelkê heremê nerazîbûnê nîşan didin û dibêjin ‘Şer li deştê ye, ne li vir e.’
Hêjayî gotinê ye, roja ku ev sewqiyat hat kirin, HPG’ê ragihandibû ku ew amade ne xelkê Kerkûkê biparêze. BEHDÎNAN
