PDK’ê li Herêma Bradostê pêngavek binçavkirina xelkê sivîl daye destpê kirin. Ji bilî nûçegihanê ajansa Rojnewsê, asayîşa PDK’ê 6 kesên din binçavkir. Li navçeya Soran jî kesên behsa dagirkeriya dewleta tirk dike, rastî zextên PDK’ê tên
Êrîş û dagirkeriya dewleta tirk a dagirker li ser başûrê Kurdistanê berdewam dike. Partiya Demokrata Kurdistan (DKP) ku nûnertiya faşîza AKP’ê ya Başûrê Kurdistanê dike heman polîtîkayên faşîzan û qirkirinê li ser gelê Başûr dimeşîn e. Deshilatiya PDK’ê di necama tifaqa qirêj a bi dewleta tirk a dagirker re li ser gelê herêmê faşîzma kûr dimeşîn e. PDK li Herêma Bradostê pêngavek binçavkirinê li dijî rojnameger û welatiyan daye destpêkirin. Li gorî agahiyên herêmê, PDK ji nîvê meha tîrmehê ve dest bi binçavkirina welatiyan kiriye.
Li gorî agahiyan ji bilî nûçegihan Zibêr Bradostî ku ji 21’ê tîrmehê ve hatiye binçavkirin, fermandariya Helgurd ya hêzên pêşmerge a ser bi PDK’ê 6 welatiyên din jî binçavkiriye. Navê 3 welatiyên ji aliyê pêşmergeyên PDK’ê ve hatine binçavirin ev e; ‘Rizgar Mihemed, Serdar Mîre û Cehfer Şêx Zade’. Li gorî agahiyan ji 6 kesên hatîn binçavkirin, 5 ji wan welatîne û tê gotin ku yek ji wan jî pêşmergeye. Hîn jî nayê zanîn bêka PDK’ê ji bo çi van kesane binçavkiriye û li ku derê têne ragirtin. BRADOST
