Welatiyên başûrê Kurdistanê xwestin li dijî dagirkeriya dewleta tirk li ber avahiya NY’yê ya li Hewlêrê çalakiyekî li dar bixin. Lê çalakî ji hêla asayîşa PDK’ê ve hate astengkirin
Welatiyên başûrê Kurdistanê bi armanca şermezarkirina dagirkeriya dewleta tirk a li ser başûrê Kurdistanê û şewitandina dexlûdanê cotyaran, saet di 16.30’an de xwestin li ber avahiya Nûnertiya Neteweyên Yekbûyî (NY) ya li Hewlêrê çalakiyê li dar bixin.
Hat zanîn ku hêzên asayîşê yên girêdayî PDK’ê nehiştin ku welatî çalakiyê li dar bixin û dagirkeriya dewleta tirk şermezar bikin.
Hêjayî bibîrxistinê ye ku ev gelek care ku welatiyên başûrê Kurdistanê hem li herêmên di bin kontrola YNK’ê de û hem jî li herêmên di bin kontrola PDK’ê de dixwazin li dijî dagirkeriyê çalakiyan li dar bixin. Lê hêzên asayîşê yên girêdayî her du partiyan jî bi hinceta ‘Hûn dewleta tirk weke dagirker nîşan didin’ çalakiyan qedexe dikin. HEWLÊR
