Tevgera Goran û Partiya Demokrat a Kurdistanê (PDK) li Silêmaniyê li ser avakirina hikûmeta nû ya Herêma Federal a Kurdistanê li hev civiyan. Piştî civînê ragihandin ku ji bo têgihiştinê biryar dane ku 3 lijneyên hevbeş ava bikin
Şandeya Partiya Demokrat a Kurdistanê (PDK) bi serokatiya Cîgirê Serokê Giştî yê PDK’ê Nêçîrvan Barzanî li Silêmaniyê bi Tevgera Goran re li ser mijara avakirina hikûmeta nû ya Herêma Federal a Kurdistanê civiyan. Piştî hevdîtinê li ser naveroka hevdîtinê daxuyaniyeke nivîskî dan.
Di daxuyaniyê de tê gotin ku civîn bi giyanekî karên hevbeş û berpirsyarî ji bo pêkanîna hikûmetê pêk hatiye. Her wiha di daxuyaniyê de tê destnîşankirin ku her du aliyan biryar dane sê lineyên hevşbeş ava bikin. Tê gotin ku her du aliyan tekez kiriye ku divê ji bo avakirina hikûmetê lez bê kirin û pêvajoya avakirina hikûmetê neyê derengxistin.
Ji hilbijartinên 31’ê îlona 2018’an ve ji bo avakirina hikûmeta Herêma Federal a Kurdistanê ev cara çaremîn e Tevgera Goran û Partiya Demokrat a Kurdistanê (PDK) li hev kom dibin. SILÊMANÎ
