Dewleta tirk bi hevkariya malbata sîxur a Barzanî û çeteyên wê êrîşî başûrê Kurdistanê dike û bi darê zorê xelkê herêmê neçarî koçberiyê dike. Rojnewsê xwe gihand gundên PDK’ê di çarçoveya êrişan de daye valakirin. Xelkê Behdînanê ji ber gef û êrişan gundên xwe vala dikin. Duh jî 9 saet muhlet dan şêniyên gundên Mijê, Kevne Mijê, Spîndarê û Gîrgaşê yên li Herêma Ber Garê ku alav û amûrên xwe ji malan derxînin. Hinek welatiyên çûne gund, rastî wêranî û xerabeyeke mezin hatin.
Şêniyên gund, wiha gotin: “Nehiştin em bikevin gundên xwe. Piştî qanehkirina PDK’ê, rayedaran ji me re gotin ku ji bo em bikevin gundên xwe divê em destûrê ji dewleta tirk bixwazin.” Dîmenên ku welatiyan gihandin ber destê Rojnewsê, dîmenên valakirin û şewitandina gundan ên salên 90’î li bakurê Kurdistanê hatine kirin bi bîr xist.
Di dîmenan de ji gundên hatine valakirin malên şewitî û hilweşiyayî mane.
