PEN Internationalî eşkerayîyêke daye û waşt ke 16 rojnamegerê kurdî yê ke Amed de tepişîyabî, wa vera bidîyê.
Eşkerayîye de ame îfadekerdene ke tepişîyayîşê 16 rojnamegeran bi hawayêkê xirabî tesîrê azadîya îfadekerdişî keno û nê rojnamegerî karanê xo yê rojnamegerîye ra ameyî muhakemekerdene. PENî vat: ”Ganî nê rojnamegerî bêrê veradayene. Xeylêk rojnamegerê kurdî û terefgîrê kurdan pê sûcê terorî yê zûrayînî zîndanan de ameyî terkkerdene.”
Federasyonê Heqanê Merdiman ê Mîyanneteweyî (FIDH) û Rêxistina Têkoşînê vera Îşkenceyî ya Dinya (OMCT) zî bi eşkerayîyêka hempare waşt ke 16 rojnamegerê kurdî wa vera bidîyê. Înan eşkerayîya xo de wina vat: ”Tirkîya de bi heer hawayî binpaykerdişê muhakemeke, destbendkerdişê keyfî, tepiştiş û mehkumkerdişê kurdan est ê. Ma tepişîyayîşo keyfî yê 16 rojnamegeran şermezar kenê. Ma venga Tirkîya danê ke cade û bê şert 16 rojnamegeran vera bida. Ganî Tirkîya çapemenîya azade û azadîya îfadekerdişî rê hûrmet bimojna.”
