Alîkarê serokê DYA’yê Mike Pence da zanîn ku Donald Trump têkildarî rewşa bakurê Sûriyeyê bi Fermandarê Giştî yê HSD’ê Mazlûm Kobanê re li ser telefonê hevdîtin kir
Alîkarê serokê Dewletên Yekbûyî yên Amerîkayê (DYA) Mike Pence bi daxuyaniyekê ragihand ku serokê DYA’yê Donald Trump têkildarî rewşa dawî ya li Sûriyeyê, bi Fermandarê Giştî yê Hêzên Sûriyeya Demokratîk (HSD) Mazlûm Kobanê re li ser telefonê hevdîtin kir.
Mike Pence diyar kir ku Trump ji serokê giştî yê AKP’ê Tayyîp Erdogan xwest ku êrîşî Kobanê neke û di vê mijarê de jî taahût girtiye. Pence wiha domand: “Serok Trump ji Erdogan xwest ku di zûtirin dem de agirbestê ragihîne. Trump ferman da Şêwirmendê Parastina Neteweyî O’Brîen ku bi lez û bez biçe Tirkiyeyê. Ji bo hevdîtina Trump û Erdogan a di meha tê de jî biryareke nehat dayîn.”
Di heman demê de Pence di hefteya pêş de dê biçe Tirkiyeyê.
