Navenda Nûçeyan |
Lêkolîna bi navê ‘RxPONDER’ ji hêla komeke serbixwe ya bi navê Swod Cancer Research Networkê ve hate rêvebirin ku Navenda Onkolojiyê ya Donostîa ya li Spandyayê û Enstîtûya Pençeşêrê ya Netewî ya Emerîkayê jî partnerê wê ne. Di daxuyaniyê de ya têkilî lêkolînê ku koma medîkal a bi navê Geîcam jî tevlê bû, hate destnîşankirin ji bo tedawîkirina nexweşiya pençeşêra çîçikan êdî kemoperapî dê ne mecbûrî be.
Li gorî daxuyaniyê dema piştî menopozê ji bo nexweşên bi reseptorên hormanî yên wekî RH+HER ên negatîf ketine, tedawiya nû wê bikaribe were ceribandin.
Li gorî vê ev cureyên pençeşêran ku heta niha bi terapiya hormonan û kemoterapiyê dihate tedawîkirin êdî tenê wê bikaribe bi terapiya hormonan were tedawîkirin. Di encama lêkolînê de tê tespîtkirin herdu cure tedawî bi eynî astê karîger in û wê ne hewce be ku karîgeriya giran a kemoterapiyê were jiyîn.
Ji sedî 67 nexweşên postmenpozê û yên jî nexweşên beriya menopozê tev li lêkolînê bûn. Li ser du koman, 5 salan tenê terapiya hormonê hate ceribandin û ji bo koma din jî tevî vê kemoterapî jî hate ceribandin.
Di encama lêkolînê de ji nexweşan ku bi pençeşêra RH+HER2 bûne û bi kêmanî 2 gangliyonên wan ên pozîtîf hene û di dema postmenopozê de, bêyî kemoterapiyê jî eynî encam dikare were standin. Di lêkolînê de hate gotin nexweşên ku gangliyonê wan ên pozîtîf di navbeyna 1-3’yan de heke kemoterapî nebin, teqeziya wê ya zanistî nîne ku dikarin tedawî bibin.
