Li seranserê welatên cîhanê û Rojhilata Navîn rewşenbîr, akademîsyen, siyasetmedar û hunermendên demokrat, azadîxwaz û sosyalîst ji bo azadiya Rêberê Gelê Kurd Abdullah Ocalan kampanyayên îmzeyan dane destpêkirin.
Duh encama kampanyayê ya bi dirûşma ‘Dem hatiye’ hatiye destpêkirin, hate aşkerakirin ku ji hemû devara cîhanê kesayetên navdar yên demokrat, akademîsyen û rewşenbîr tev li bûne. Her wiha duh bi awayeke lokal li gelek welatên Ewropayê kampanyayên îmzeyan ji bo azadiya Ocalan hatin ragihandin. Kampanyaya Rojhilata Navîn a ji bo Rêber Ocalan jî bi pêşengiya rewşenbîrên Misrê tê domandin. Rewşenbîrên başûrê Kurdistanê jî bi avêtina îmzeyan piştgirî didin rewşenbîrên Misrê.
Siyasetmedarê kurd Mihemed Emîn Pêncwênî jî bi avêtina îmzeyê azadî ji Ocalan re xwest û diyar kir ku ew weke rewşenbîr û siyasetmedarên Başûr piştgiriyê didin kampanyaya rewşenbîrên Misrê û ev peyam da: “Weke rewşenbîr û siyasetmedarên Başûr, piştgiriya wan rewşenbîrên Misrê û Rojhilata Navîn dikin ku ji bo serkirdeyekî miletê kurd Birêz Ocalan, dane destpêkirin. Ji bo azadiya Birêz Ocalan çi bikeve ser milê me em ê qisûrê nekin.”
Her wiha kampanyaya ‘Dema hatiye’ ya ji bo azadiya Rêberê Gelê Kurd Abdullah Ocalan a li Başûr berdewam dike û eleqeyeke mezin a kesayet û rewşenbîrên Başûr ji bo kampanyayê heye. SILÊMANÎ
