Bûrak Bahadir Tûzlû yê di serdama qeyûm de weke Midûrê Xizmeta Ciwanan a Şaredariya Bajarê Mezin a Mêrdînê hatibû peywirdarkirin 5 pereşûtên şaredariyê bi xwe re birine.
Piştî Partiya Demokratîk a Gelan (HDP) di hilbijartina herêmî ya 31’ê Adarê de Şaredariya Bajarê Mezin a Mêrdînê bidest xist lêkolînên di derbarê texrîbatên di serdema qeyûm de hatine kirin berdewam dikin. Di lêkolînan de herket holê ku Bûrak Bahadir Tûzlû yê di serdama qeyûm de weke midûrê xizmeta ciwanan a di bin banê serokatiya daîreya xizmetên ciwan û jinan a Şaredariya Bajarê Mezin a Mêrdînê hatibû peywirdarkirin 5 pereşûtên şaredariyê yên bi buhaya 80 hezar TL yî bi xwe re birine.
Bûyer, piştî guhertina rêveberiya Miduriyeta Xizmeta Ciwanan derket holê. Di nava lêkolînên tespîtkirina malzemeyan de hat dîtin ku qeyûm di serdema xwe de 5 pereşûtên berwar kirîne.
Rêveberiya nû ji Tûzlû xwest ku pereşûtan teslîm bike. Lê Tûzlû pereşût nedan şaredariyê. Ger di rojên pêş de pereşût neyin teslîm kirin rêveberiya şaredariyê dê serlêdana sûc bike.
Ji hêla din ve di lîsteya amûrên miduriyetê de gelek amûrên ekektronîk jî windane û kes nizane li ku derê ne. Hat diyar kirin ku li miduriyetê lêkolîn dewam dikin û hetanî niha dronek û wênekêşek winda bûne.MARDİN
