Pêrî ya Dêrsimî de çalakîya vera qeyûmî vizêr roja 7ine de dewam kerde. Endamê Meclîsê Ciwanîye yê HDPyî Cengîz Fîdanî va: “Qeyûm do şiro û ciwanî do bêrê.”
Bajarekê Pêrî yê pabesteyê Qezaya Mazgêrdî ya Dêrsimî de çalakîya ke badê qeyûmî dest pêkerde dewam kena. Vizêr Endamê Meclîsê Ciwanîye yê Partîya Demokratîke ya Şaran (HDP) tewrê çalakîye bîyî.
Endama Meclîsê Şaredarîya Pêrî Narîne Gûraya ke çalakîye de qisye kerd vist vîrî ke çalakîya înan hewteyêk o dewam kena û vat: “Şaredarîyî yê şarî yê û şar do qeyûmê vera îradeyê xo qebul nêkero.‘‘ Endamê Meclîsê Ciwanîye yê HDPyî Cengîz Fîdanî zî vat: “Bi tayînkerdişê qeyûman faşîzm rîyê xo yê raştî ramojneno. La ma vera hêrişan milê xo çewt nêkenê. Ciwanî sefanê verînan ê xoverdayîşî de cayê xo gênê. Qeyûm do şiro û cîwanî do bêrê.” DÊRSIM
