Pîyê Haci Lokman Bîrlîko ke badê ke ameybî birîndarkerdene, bedenê ci wesayîtê zirxî ra dima ameyîbî antene û cuya xo vindî kerdbî Hasan Bîrlîko ke seba ke merasîmê cenazeya lajê xo de fotografê lajê xo berz kerdbî ameyêne muhakemekerde û 9 kesê bînî berat kerdî
Haci Lokman Bîrlîk (24) 3ê teşrîna verêna 2015î de taxa Dîcle ya Şirnexî de badê ke ameybî birîndarkerdene polîsan ci peynîya wesayîtê zirxî de erdî ra antbî û ci qetil kerdbî. Pîyê Haci Lokman Bîrlîkî ke cuya xo vindî kerdbî Hasan Bîrlîkî seba ke merasîmê cenazeya lajê xo de fotografê lajê xo berz kerdbî ameyêne muhakemekerde. No mehne ra derheqê pî Hasan Bîrlîk û 9 kesê bînî de doze ameyîbî akerdene. Diyîne roniştişê doze 3. Mehkemaya Cezaya Giran ya Şirnexî de ame vînayene.
Dozger ceza waşt
Roniştişê doze bi nasnayîşê kamîya kesan ame destpêkerdene û avûkatî amade bî. Badê nasnayîşê kamîya kesan sucdarî pawitişê xo kerdî. Sucdarî dîyar kerdî ke berzkerdişê fotografî suc nîyo û beraatê xo waştî.
Avûkatan bale antî qerarê Mehkemaya Heqê Merdiman ya Ewropa ke derheqê tewrbîyayîşê merasîmê cenazeyan ser û beraatê muwekîlanê xo waştî.
Badê ke dozger mutalaya xo aşkera kerd û pî Hasan Bîrlîk zî mîyan de waşt ke 7 sucdarî bêrî cezakerdene û 3 sucdarî zî bêrî beraatkerdene.
Badê ke mabenêko kilm ame dayene heyetê mehkema qerarê xo eşkera kerd û derheqê heme sucdaran de qerarê beraatî da. ŞIRNEX
