Hejmara girtî û binçavkiriyên bi sedema ‘Heqaret li Erdogan’ kiriye roj bi roj zêdetir dibe. Hema hema rojane gelek kes bi vê hincetê tên binçavkirin, cezayê pere yan jî cezayê girtîgehê lê tê birîn. Di serdemekê ku vîrûsa koronayê (Covîd-19) weke li cîhanê, li Tirkiyeyê jî gefeke mezin li jiyana gel dixwe de polîsên tirk hê jî li pey kesên der barê Erdogan de tiştekî dibêjin in.
Di çarçoveya bergiriyên belavbûna vîrûsa koronayê de li Tirkiyeyê biryar hate girtin ku kesên ser 65 saliyê de dernekevin kolanan. Lê ev qedexe ye jî li pêşiya hinceta ‘Heqaret li Erdogan’ kiriye nebû astengî û li Enqereyê pîremêrekî 80 salî bi vê sedemê hate binçavkirin.
Kalê ku ji ber parvekirina xwe ya li ser hesabê Facebookê hatiye binçavkirin, birin qereqolê. Parlamenterê CHP’ê yê Çanakkaleyê Muharrem Erkek li ser hesabê xwe ya twitterê bertek nîşan da û got; ‘Ji bo wan ne xeme ku pîremêrêkê temen mezin bi şewbê bikeve. Ji bo wan tenê tişta girîng, keyfa yek mirovî ye.” ENQERE
