Hilbijartina Serokkomarî û Parlemementeriyê ya 14’ê Gulanê hate kirin, hilbijartina serokkomariyê derbasî tûra duyem bû. Di hilbijartina parlementeriyê de bi taybet dengên Partiya Çepên Kesk ji bo MHP’ê û partiyên din hatiye nivîsandin.
Di demekê de nîqaşên li ser hîle û nelirêtiyan didome, têkildarî hilbijartina serokkomariyê ku derbasî tûra duyemîn bû, Parlementerê HDP’ê yê Stenbolê Mûsa Pîroglû nirxandinek kir.
Pîroglû diyar kir ku Erdogan di tûra yekem de bi ser neket, her çendî ku encama dixwest Erdogan bi hîle û nelirêtiyên qanûnî nekarî bi ser bikeve di tûra yekem de û got: “Erdogan tûra yekem bi ser neket, me ew sekinand. Diyar e ku di tûra yekem de me ew têk bir, tevî hemû hîle, fêlbaz û xebatên cuda cuda yên lîstikên Erodgan di tûra yekem de ew têk bir. Em ji berê dizanin, Erdogan ê daxûyanî dida digot; ‘Hasil ji mûsilê derket’ di tûra duyemîn de neçar ma ku windabûnê qebûl bike. Niha xwe ji bo tûra duyemîn amade dike, bê hêvî bûye, moral lê nemaye, dema vekişîna me û rêyeke me ya din tune. Em ê vê hilbijartinê qezenc bikin. Em bi dehan car rû bi rûyê vê desthilatê û yên weke wê hatin, bi hilbijartinê yan bê hilbijartin dawiya dawî wê Erdogan winda bike; em ê bi ser bikevin.”
