2’yemîn Dadgeha Sulhê ya Stenbolê pirtûka bi navê ‘Mehmet Tûnç û Bêkes” a siyasetmedar û nivîskarê kurd Mahmût Alinak qedexe kir.
Siyasetmedar, parêzer û nivîskarê kurd Mahmût Alinak li ser serpêhatiya Mehmet Tûnç û birayê wî Orhan Tûnç ku di serdema qedexeya derketina derve ya Cizîrê de hatibûn qetilkirin pirtûka bi navê ‘Mehmet Tûnç û Bêkes’ derxistibû. Pirtûka Alinak a ji weşanên CHA’yê di 2017’an de hatibû çapkirin.
Lê 2’yemîn Dadgeha Cezayê Sulhê ya Stenbolê pirtûkê qedexe kir û têkildarî vê biryara qedexeyê teblîgat ji Weşanên CHA’yê re şand.
Alinak da zanîn ku dadgehê têkildarî biryara qedexekirina pirtûka wî heta niha tu tiştek jê re ranegihandiye. STENBOL
