Navenda Nûçeyan |
Bi boneya salvegera 7’emîn a fermana 3’yê Tebaxa 2014’an, şandeyek Rêxistina Jinên Azad ên Kurdistanê (RJAK), serdana Şengalê kiribû. Endamên şandeyê ku ji meclisa RJAK’ê Xewla Mihemed Hesen û Ciwana Ebdulbaqî, endama RJAK’ê Seyran Ehmed Hesen pêk tê, dema ji Şengalê vedigeriyan, di ketina Hewlêrê de ji aliyê asayîşa PDK’ê ya Kelekê ve hatibûn binçavkirin.
Endam û Rêveberên RJAK’ê 5’ê tebaxê li seytereya Kelek a Hewlêrê ji aliyê çekdarên PDK’ê ve tên binçavkirin. Ji dema ku hatine binçavkirin heya niha agahî ji endama meclisa RJAK’ê Xewla Mihemed Hesen, Ciwana Ebdulbaqî, Seyran Ehmed Hesen nedihate girtin.
Piştî 33 rojan duh êvarî bi biryara dadgehê û kefalet endam û rêveberên RJAK Xewle Mihemed Hesen û Seyran Ehmed Hesen hatin berdan. Endama RJAK’ê Ciwana Ebdulbaqî hê jî nehatiye berdan. Der barê mijarê de tu daxuyaniyek jî nehatiye dayîn.
