Serdozgeriya Komarê ya Mêrdînê piştî salekê îdianameya xebatkarê Rojnameya Azadiya Welat a bi KHK’ê hat girtin Çetîn Kurşun ku girtî tê darizandin amade kir. Kurşun dê di 7’ê sibatê de derkeve pêşberî dadgehê
Serdozgerê Komarê yê Mêrdînê piştî salekê der barê xebatkarê Rojnameya Azadiya Welat a bi KHK’ê hat girtin Çetîn Kurşun de îdianame amade kir. Îdianame ji aliyê 2’emîn Dadgeha Cezayên Giran a Mêrdînê ve hat qebûlkirin.
Polîsan di 6’ê sibata 2018’an de bi ser malbata Xebatkarê Rojnameya Azadiya Welat Çetîn Kurşun de girtibû. Polîsan di serdegirtina malê de Çetîn Kurşun û birayê wî Sedat Kurşun li malê binçav kiribûn. Piştî Çetîn û Sedat Kurşun 13 rojan di bin çavan de hatin girtin, Çetîn Kurşun li dadgehê hat girtin û Sedat Kurşun jî serbest hatibû berdan.
Çetîn Kurşun ku nêzî salekê ye li Girtîgeha Tîpa E ya Mêrdînê girtî ye hêj nû dozger îdianameya der barê wî û birayê wî de amade kir. Dozger di îdianameya ji 12 rûpelan pêk tê de Kurşun bi “Endamtiya Rexistinê” tawanbar dike. Danişîna yekem dê 7’ê sibatê bê dîtin. MÊRDÎN
