PKKyî da eşnawitene ke serkêşanê Têgêrayîşê Azadîye ra Fermandar Fazil Botan gama ke Ewropa de tedawî bîyênî 15ê hazîrana 2022yî de tewrê kerwanê şehîdan bîyo. Komîteya Merkezî ya PKKyî derheqê şehadatetê Fazil Botanî de mesajêk weşana û nê vatî:
”PKKyo ke partîya Rayberîye û şehîdan a, vera dişmenê zalimî têkoşînê xo domeneno. Xora nê têkoşînî de bedelê girdî yenê dayene. Qehremanê pîlî şehîd benê. Înan ra yew zî hemra Fazil Botan o. Hemrayê Fazil Botan sey fermandarê efsaneyî averberdişê artêşa gerîlayan de rolo gird kay kerd. Hema hema her vinceyê herra Kurdistanî de têkoşîn kerd û bi gerîlatîya biheybetî derbeyê girdî dayî dişmenî ro. Seba ke şarê kurdî û şaranê Rojhelatê Mîyanênî koletîye û zextî ra bixelisno çîyo ke destê ci ra ame kerde. Hemra Fazil Botanî ke xo her dewrî de newe ra afirnayêne, heme wezîfeyê xo bi serkewtiş ardî ca. Bi ruhê fedayîtîye gerîlatîye kerdêne. Bi çalakîyanê xo, vindertişê xo, tewrirê xo yê ehleqî û polîtîkî şorişgêrêko nimûne bi.
Hemra Fazil Botan 1968 de sey endamê eşîrê Gête Botan de yeno dinya û 1988 de Botan tewrê sefanê gerîlayan beno. Cûdî de di serrî gerîlatîye keno û dima ra sey wayîrê pêrodayîş û şerê pîlî berpirsîyaranê girdan geno xo ser. Serranê 90yan de sey fermandarê tabûranê hereketinan wezîfe geno ke semedê artêşa tirke benê sebebê ters û xofî.1993 de semedê perwerdeyê teorî û îdeolojîkî ravîyareno warê Rayberîye. Tîya raştîya Rayberîye dahîna rind fam keno. Rayberîye bi xo vîneno û tira perwerde geno û bi girewtişê berpirsîyarîya dahîna girde agêreno koyan ke qesasê seserran bigêro.
1994 de pîya bi hemrayan Şehîd Sakîne Cansiz û Evîne Goyî Besta de fermandarîya tabûra hereketine keno û derbeyanê girdan dano dişmenî ro. 1997 de reyna şino warê Rayberîye û badê perwerdeyî 1988 de waranê Kato Jîrka û Çatak de fermandarîye keno. Sey gerîla û fermandarê PKKyî hetê şarî ra zaf yeno heskerdene. Wextê peyseragêrayîşî de Botan de wextêk maneno û 2000an de Qendîl û Xakurkê de fermandarîye keno. Prosesê Hemleya 1ê Hezîrane de Botan de fermandarîye keno wezîfeyanê stratejîkan geno xo ser. Ver hêrişê dewleta tirke yê vera Zapî hemra Fazil sey fermandarê cepheyî şerî de cayê xo geno. Bi stratejî û taktîkê cepheyê Zapî de aver beno 2008 de hêrişê îşxalî yê dewleta tirke serûbin keno û serkewtişê şerê 9 rojan de rolê bingêyî kay keno.
Raameyîşê stratejîya pawitişê meşrûyî, taktîkê dewrê neweyî û amadekerdişê tunelanê şerî de serkêşîye keno. Herêmanê Pawitişê Medya de keda pîle dano. Îdareyê Qerargehê Merkezî û Konseya Fermandarîye ya HPGyî de wezîfe geno. Dima ra wezîfeyê Fermandarîya Warî yê Qendîlî geno xo ser. Hemra Fazil Botan 2012 de vera DAIŞî cepheyê şerî de ca geno. Newroza 2015 de qezayêk de bi giranî birîndar beno û semedê tedawî vejîyeno Ewropa. 15ê hezîrana 2022yî tewr kerwanê şehîdan beno.
Ma Hewteyê Qehremanîye de şehadetê fermandarê pîlî û endamê Komîteya Merkezî ya Partîya ma hemra Fazil Botanî îlan kenê soz danê ke do waştişê ey bêrê caardene. Ma do sey kalbeyê tûjî yê qesasî yê Mazlûm Dogan, Mahsum Korkmaz û hemra Fazilî û şehîdanê xo yê bînan sozê xo yê serewktişî bîyarê ca.”
