Komîteya Rayberdişî ya PKKyî bi eşkerayîyêke serrgêra 4. ya şehadetê ci de Endamê Komîteya Merkezî ya PKKyî û Konseya Hemserekîya Pêroyî ya KCKyî Dîyar Xerîb (Helmet) yad kerd.
Eşkerayîye wina ya:
”Dîktatorîya AKP-MHPyî ya faşîste 26ê hezîrana 2019î de hêrişê Qendîlî kerdbî û nê hêrişî de embaz Dîyar Xerîb şehîd bibi. Şehadetê ey çar serrî xo pey de verdayî. Nê çar serran de ma kerd ke rêçê embaz Helmetî de şorê û armancanê ey ser bivisnê. Ma derbê giranî dayî faşîzmê AKP-MHPyî û qesasê ey girewt. Nê esasî ser o serrgêra 4. ya şehadetê ci de ma ewladê Başûrî yê qehremanî û milîtanê ma yê ercîyayeyî embaz Helmetî bi rêzî, minetî û heskerdişî yad kenê. Ma soz danê ke armancanê ey ser bivisnê. Ma do serra 5. ya şehadetê ci de bi serkewtişanê pîlan qesasê ey reyna bigêrê.
Embaz Helmet şorişgêr û welatperwerêko pîl bi ke şarê Başûrê Kurdîstanî ra vejîyayo. O hema ciwanîya xo de vera xeta xayînan bi tewirêkî tewrê PKKyî bi, şi hetê Rayber Apoyî û Rayber Apoyî ra perwerde girewt. O Başûr de bi temsîlkarê yewîya neteweyîye û welatperwerîye. Embaz Helmetî vera hêrişanê Rejîmê Saddamî û dewleta tirke ya faşîste seba azadîya Başûrî, yewîya neteweyîye şer kerd coka bi hedefê kolonyalîstan û xayînan.
Embaz Helmetî sere de Başûrê Kurdîstanî de çar parçeyanê Kurdîstanî de xebatê şorişgêr û welatperwerî kerdî. Ey her aste de erkî kerdî û mesuldarîyî girewtî xo ser. Wexto ke şehîd bi o Komîteya Merkezî ya PKKyî û Konseya Hemserekîya Pêroyî ya KCKyî bi. O tim serê xeta şehîdan û Rayberîye de şi, seba şarê kurdî bêmabên xebitîya. Embaz Helmetî bi taybetî seba eşkerakerdişê tarîxê kurdan zaf xebatî kerdî û giranîye daye perwerdeyê ciwanan. Rêçê keda ey û têkoşînê ey hema zî serê têkoşînê ma de gandar ê.
Embaz Helmet hetê AKP-MHPyî û kurdanê xayînan ra ame qetilkerdene. Erdogan û Bahçelîyî bi nê qirkerdişî waşt ke qesasê binkewtişê xo yê weçînayîşanê herêmîyan bigêrê û serkêşîya vera hêrişanê îşxalî bgiêrê. Xayînan zî waşt ke Başûrê Kurdîstanî de verê alternatîfê demokratîkî-azadîgîrî bigêrê.
La nê xîretî hetê xoverdayîşê gerîlayan ê Herêmanê Pawitişî yê Medya ra ameyî pûçkerdene. Şehadetê embaz Helmetî bi sebeb ke şarê ma, bi taybetî şarê ma yê Başûrî raştîyan hol fam bikerê. Xoverdayîşê gerîlayan rayîr nêda îşxalkeran, Başûr de xeta xayînan teşhîr bîye û teng bîye. Xeta neteweyî û raştikêne ya embaz Helmetî zî Başûr de hîna hol ameye famkerdene û caardene.
Ma hê kewenê serra 5. ya nê qirkerdişê namerdî. Eşkera yo ke ma sey têgêrayîş û şarê kurdî xeta embaz Helmetî hina hol fam bikerê û mesuldarî û erkanê xo hîna xurtî ser bivisnê. Bêguman îşxalkerî û xayînî do hîna zaf hêriş bikerê, biwazê ke Başûrî îşxal bikerê. La ma xeta embaz Helmetî û xoverdayîşê gerîlayan de vera nê hêriişan xo ver danê. Ma do esasê vîrameyîşê embaz Helmetî de erdê Başûrî xayînan û qirkeran-faşîstan rê bikerê mezel.
Nê esasî ser o ma xoverdayîşê gerîlayanê qehremanan selam kenê. Ma seba çalakîyanê serkewteyanê ke Botan, Xakurkê û Metîna de ameyê kerdene pêro şerwan û fermandaranê gerîlayan fîraz kenê û nînan rê serkewtiş wazenê. Ma şexsê fedayîyanê Xakurkkê Asya, Azad û Koçerî de pêro şehîdanê xo bi rêz û minetî yad kenê. Ma qirkerdişo ke îdareyê Erdoganî û Îtîfaqê Cumhurî yê faşîstî Qamişlo de kerdo şermezar kenê, şehîdanê qirkerdişî yad kenê û xoverdayîşê şarê Rojawanî selam kenê.
Embaz Helmet şehîdanê fedayîyan ê Menga Fedayîyan a Hezîrane ra yew o. Roja Fedayîyan a 30ê Hezîrane rê tay mendo. Bi na wesîle ma fedayîya fedayîyan Zîlane (Zeynepe Kinaci) bi rêzî yad kenê û soz danê ke armancanê ci bîyarê ca. Sere de cinî û ciwanî ma venga pêro şarê ma yê welatperwerî û dostanê ma yê demokratîkan danê ke xeta Zîlane û Helmetî de hîna zaf fedayî bibê, sîstemê qirker-faşîstî û xeta xayînan-hemkaran ra hîna zaf hesab bipersê!”
