Mesaj wina yo: ”Gerîlayanê Azadîye yê Kurdîstanî mabênê tarîxanê 22-24ê kanûne de Xakurkê, Metîna û Zap de çalakîyê serkewteyî kerdî ke sey serrgêra 45. ya partîya ma, peynîya Serra 2023yî de darbeyanê tarîxîyan ê tewr pîlan ra yewe daye dişmenê faşîst-qirkerî ro. Nê çalakîyê ke şertanê zimistanî de ameyî kerdene û faşîstî eciqnayî dewleta tirke ya îşxalkere û hêzê ke peyê ci de yê qehr kerdî û moral da şarê ma yê welatperwerî û dostanê ma yê demokratîkan. Nê çalakîyan hêvîya serkewtişî zafêr kerd. Kampanyaya Azadîye ya Globale ya ke ma semedê azadîya fîzîkîye ya Rayber Apoyî û çareserkerdişê meseleya kurdan rayra benê, aye zî hêzo pîl dayo. Dost û dişmenî reyna hêzê gerîlayanê fedayîyan û raştîya binkewtişê sîstemê qirkerî dîye.
Ma şexsê şima de heme şervan û fermandarê HPG û YJA Starî ke keda înan nê çalakîyan de est a, serkewtişê înan ê tarîxî fîraz kenê, şehîdanê ci bi mînetî yad kenê û hêvî kenê ke do dewamê nê çalakîyan yenê ke ameyoxê azadî game bi game afirnenê. Bi na bawerîye ma şima û heme hêzanê xo yê gerîlla yê ke Herêmanê Pawitişî yê Medya de bi hewayêkê qehremankî xover danê, bi ruhê hemrayîya Apoyî selam kenê.
Serkewtiş do tim bibo yê şervananê azadîye yê fedayîyan.” BEHDÎNAN
