Ji bo şikandina tecrîda li ser Rêberê Gelê Kurd Abdullah Ocalan û piştgirîdayîna çalakgerên greva birçîbûnê li Almanyayê Platforma Jiyanê ya li Dijî Tecrîdê hat avakirin
Li bajarê Dortmund ê Almanyayê gelek saziyên siyasî, dezgehên sîvîl, rewşenbîr, siyasetmedar, akademîsyen û hiqûqnasan ji bo şikandina tecrîda li ser Rêberê Gelê Kurd Abdullah Ocalan û piştgirîdayîna çalakgerên ku di grevên birçîbûnê ya bêdem û bêdorveger de ne, Platforma Jiyanê ya Li Dijî Tecrîdê ava kirin.
Platforma Jiyanê ya Li Dijî Tecrîdê, ragihand ku ji bo pêkanîna daxwazên çalakgerên hem li Tirkiyeyê hem jî derveyî welat dê li Ewropayê xebatên dîplomatîk û polîtîk bimeşînin.
Pêkateyên platformê diyar kirin ku heta niha çi dewleta tirk çi jî Komîteya Pêşîlêgirtina Îşkenceyê (CPT) ji bo bi cih anîna daxwazên çalakegerên ku rewşa wan gihiştiye asta krîtîk, neketine nav hewldanan.
Her wiha platform dê li gelek navendên Almanyayê çalakiyên nobetên konê û li bajarê Kolnê jî meş û mîtîngan pêk bîne.
Li ser navê platformê hevberdevka SYKP’ê yê Ewropayê Duygu Yildiz axivî û wiha got: “Tecrîd sûcê mirovahiyê ye. Raporên CPT’ê yên standartan û derheqê Tirkiyeyê de amade kirine li holê ne. Tevî ku Tirkiye li gorî van standartên ku hatine diyarkirin tevnagere, CPT tu tiştekî nake.”
Her wiha Yildiz axaftina xwe wiha bi dawî kir: “Mixabin çalakgerên greva birçîbûnê xeta sor derbas kirine. Di her kêliyê de dikarin jiyana xwe ji dest bidin. Pêşîgirtina li mirina mirovan bi bicihanîna daxwazên wan dibe. Platforma me plan dike ku hem bi CPT re, hem jî bi siyasetmedar û rayedarên hikûmeta alman re hevdîtinan bike. Her wiha bi rayedarên saziyên hiqûqa navneteweyî re jî dê pêwendiyên me hebin. Em bang li raya giştî ya alman dikin ku piştgiriyê bidin platformê û ji bo pêşî li mirina mirovan bê girtin bikevin nava liv û tevgerê. Dem kêm e. Werin em bi hev re bikin ku Leyla Guven û hevalên wê bijîn.”
Sazî û kesên di nava platformê de cih digirin:
KCDK-E
NAV-DEM
ATÎK
SYKP
AABF
AvEG-KON
SKB
YOUNG STRUGGLE
ADHK
PARTÎZAN
ÇEPA KESK
HDP
HDK ELMANYA
YJK-E
ANATOLIYA NAVÎN
ÎNSIYATÎFA KURECIKIYAN
PARTIYA ŞOREŞGER
HEWLDANA MEREŞIYAN
FEDA
KURD AKAD
ÎNSIYATÎFA DEP’IYAN
PLATFORMA JI NÛ VE AVAKIRINA DERSIMÊ
ÎNSIYATÎFA LAZ
ASÛRÎ-SURYANÎ
PARLAMENTERÊN HDP’Ê
ERTÛGRÛL KURKÇU
NÛRSEL AYDOGAN
BESÎME KONCA
HASÎP KAPLAN
AHMET YILDIRIM
HAYKO BAGDAT
NAZAN USTUNDAG
ÇETÎN GURER
KCD-HATÎP DÎCLE
DORTMÛND
